Mestrado Interuniversitario en Lingüística Aplicada (MILA)

O mestrado constitúe unha reorganización e transformación de catro títulos: o Mestrado Interuniversitario en Lingüística Galega (Universidade de Vigo, Universidade de Santiago de Compostela e Universidade da Coruña), o Mestrado Universitario en Estudos Lingüísticos (Universidade de Santiago de Compostela), o Mestrado Interuniversitario en Lingüística e as súas Aplicacións (Universidade de Vigo e Universidade da Coruña) e o Mestrado Universitario en Lingua e Usos Profesionais (Universidade da Coruña). Destes catro mestrados, os tres primeiros, de orientación investigadora, proveñen da reconversión doutros tantos programas de doutoramento que recibiron a Mención de Calidade do Ministerio.

Este mestrado é, por tanto, unha proposta que implica ás tres Universidades do Sistema Universitario de Galicia, a través das Facultades de Filoloxía da Universidade da Coruña e a Universidade de Santiago de Compostela, e da Facultade de Filoloxía e Tradución da Universidade de Vigo. As experiencias previas de colaboración interuniversitaria tanto en mestrado como en doutoramento resultaron plenamente satisfactorias, polo que o proceso de reorganización que supón este mestrado ofrece importantes garantías.

Mestrado Universitario en Profesorado

Este mestrado é un título oficial que habilita para o exercicio das profesións de profesor/a de Ensinanza obrigatoria, Bachalerato, Formación profesional e Ensino de idiomas.