Liñas de investigación: linguas criollas da base léxica española e portuguesa, sociolingüística do zamboangueño
É licenciado en Filoloxía Inglesa pola Universidade de Salamanca (1985), especialista en bases de datos e redes IP (UNED, 2004), máster en tecnoloxía da información e comunicación no ensino e tratamento de linguas (UNED, 2013) e doutor en Estudos Lingüísticos pola Universidade da Coruña (2016). Actualmente é profesor de inglés na Escola Oficial de Idiomas de Vigo e profesor asociado no Departamento de Lingua Española da Universidade de Vigo.
A súa liña de investigación prioritaria son as linguas criollas, en particular o zamboangueño. Nesta lingua realizou estudos sociolingüísticos desde a perspectiva da lingüística popular e estudos lingüísticos sobre o léxico e a sintaxe.
De 1998 a 2015 foi asesor técnico do Ministerio de Educación de España con destinos en Seattle, Los Ángeles, Madrid e Lisboa. Neste período o seu traballo centrouse no español como lingua estranxeira e nas tecnoloxías da información e comunicación, o que o levou a dirixir e impartir relatorios e cursos en varios países. Desde 2015 a súa investigación sobre o chabacano zamboangueño levouno a participar en congresos en Portugal, Aruba, Alemaña, Suecia, Senegal, Dinamarca, Cabo Verde ou Austria.
- Correo electrónico: Este enderezo de correo está a ser protexido dos robots de correo lixo. Precisa activar o JavaScript para velo.
- Teléfono: 988 387 156
- Sitios web persoais:
- Grupo de investigación: Español en contacto con outras linguas: variación e cambio lingüístico